Hér getur þú greitt fjárframlag til Votlendissjóðsins sem verður notað til að endurheimta votlendi.

Einstaklingar

Einstaklingar geta greitt í sjóðinn í gegnum greiðslugáttina hér fyrir neðan til að kolefnisjafna sig. Í því felst að greiða upphæð sem nemur þeim tonnafjölda sem þeir hafa losað, t.d. eftir flugferð, notkun bifreiðar o.s.frv. Vitað er að það kostar um kr. 5000 að stöðva 1 tonn af gróðurhúsalofttegundum með því að endurheimta votlendi.

Til að fá tilfinningu fyrir kolefnissporinu eftir flugferðir má styðjast við eftirfarandi tölur:

  • Fyrir eina flugferð til og frá Evrópu fyrir einn dugar að greiða 5000
  • Fyrir eina flugferð til og frá Bandaríkjunum fyrir einn dugar að greiða 10.000
  • Fyrir eina flugferð til og frá Asíu fyrir einn dugar að greiða 15.000
  • Fyrir eina flugferð til og frá Ástralíu/Nýja Sjálands fyrir einn dugar að greiða 20.000
  • Kolefnisjöfnun fyrir fólksbíl miðað við meðaleyðslu og 20.000 km á ári kostar 20.000

Einstaklingar geta einnig millifært upphæðina inn á reikning 537-26-516, kt. 620518-1230.

Votlendissjóðurinn sér um að verja peningunum í að endurheimta votlendi og stöðva þar með losun gróðurhúsalofttegunda.

Fyrirtæki og stærri kaupendur

Fyrirtæki sem vilja sýna samfélagslega ábyrgð í verki geta millifært upphæðina inn á reikning 537-26-516, kt. 620518-1230 eða greitt í meðfylgjandi greiðslugátt.

Mörg fyrirtæki halda loftslagsbókhald þ.e. þau skrá niður hversu mikið þau losa af gróðurhúsalofttegundum á ári. Til að axla ábyrgð á þeirri losun er hægt að kaupa stöðvun á sama magni hjá Votlendissjóðnum.

Hvert tonn kostar kr. 5000 en fyrir stórkaupendur er verðið lægra ( sjá hér ).

Til að fá tilfinningu fyrir kostnaðinum má styðjast við eftirfarandi tölur:

Fyrir kr. 500.000 er hægt að stöðva árlega losun á 100 tonnum af gróðurhúsalofttegundum. Fyrir kr. 1.000.000 er hægt að stöðva losun á 200 tonnum. Sé greitt fyrir kr. 300.000 eða meira fær kaupandi að nota merki sjóðsins í markaðslegum tilgangi.

 

Fyrirtæki geta einnig sett sig í samband við Votlendissjóðinn í netfanginu votlendi@votlendi.is eða í síma 768 2969 til að fræðast nánar um ferlið.

Hægt er að leggja Votlendissjóðnum lið á fleiri vegu en að greiða í sjóðinn. Þær leiðir henta þeim sem eiga land og vilja sjá um endurheimtina sjálfir eða þeim sem eiga tæki til þess og vilja leggja til vinnu, sjá nánar hér.

Öll framlög nýtast beint til endurheimtar votlendis og stöðvunar á losun CO2.

Við þökkum allan stuðning og hvetjum þá sem vilja sýna gott fordæmi að deila þessum upplýsingum áfram.

Með fyrirfram þökk og kærri kveðju.

Samtals tonn af Co2

Skilmálar

– Seljandi heitir kaupanda fullum trúnaði um allar upplýsingar sem hann gefur upp í tengslum við viðskiptin.
– Upplýsingar verða ekki undir neinum kringumstæðum afhentar þriðja aðila.
– Allar upphæðir í vefverslun eru með inniföldum 24% vsk
– Veittur er 14 daga skilaréttur við styrkveitingar gegn því að framvísað sé sölureikningi sem sýnir með fullnægjandi hætti hvenær styrkurinn var veittur.
– Votlendissjóðurinn áskilur sér rétt til að hætta við pantanir, t.d. vegna rangra verðupplýsinga eða stöðva greiðslu fyrirvaralaust. Áskilinn er réttur til að staðfesta pantanir símleiðis.
– Samningur þessi er í samræmi við íslensk lög. Rísi mál vegna hans skal það rekið fyrir Héraðsdómi Reykjavikur